Новости

Семейде мемлекеттік қызметкерлер арасындағы дәстүрлі спартакияда өз мәресіне жетті. Семей қалалық әкімдігінің және күш құрылымдары қызметкерлерінің дәстүрлі сайысы спорттың тоғыз түрінен өтті. Осынау дәстүрге айналған игі бастама мақсаты мемлекеттік қызметкерлер арасында салауатты өмір салтын дәріптеу. Сондай-ақ тиімді демалыстың үлгісін көрсету.

Былтырғы жылдың қараша айынан сынға түскен қызметкерлер спорттың волейбол, үстел тенисі, тоғызқұмалақ, шахмат, футбол, президенттік көпсайыс, жүзу, бильярд, шаңғы жарыстары бойынша бақ сынап, оған 50-ден астам мемлекеттік қызметкерлер қатысқан.                                                                               

Өткен демалыс күні спартакияданың соңғы сайысы шаңғы жарысынан мемлекеттік қызметкерлер бақ сынады. «Tisa» шаңғы базасында өткен тартысты сайысқа барлығы 10 команда қатысты. Жүлдегерлер Қазақстан футболының 100 жылдығына арналған ескерткіш сыйлықтармен ақшалай марапаттауларға ие болды.

«Дәстүрлі спартакияда шаңғы жарысымен аяқталып отыр. Спартакияданың жалпы қорытындысы жақында шығарылатын болады. Өткен демалыс күні өткен шаңғы жарысының қорытындысы бойынша І-орынды Салық басқармасының қызметкерлері, ІІ-орынды Ауыл шаруашылығы мен білім бөлімімен бірлескен «Достық» командасы жеңіп алды. Ал, ІІІ-орынға Қазынашылық басқармасы ие болды», - дейді қалалық дене шынықтыру және спорт бөлімінен.

Сайысқа қатысқан күш құрылымдары да өз күштерін аянып қалған жоқ. Бар жоғы екі команда қатысқан спартакияда қорытындысы бойынша «Шығыс» әскери қолбасшылығы мен ТЖМ Семей қаласы ТЖБ командалары өзара бөлісті. Айта кетейік, жүлделі орындар иеленген қызметкерлер мен жеңімпаз атанған командалар облыстық сайыстарда шаһарамыздың намысын қорғайды.

Материал сайта http://arnapress.kz